సృష్టి ధర్మం

 

ఆరోగ్యం గా బతికినా, అనారోగ్యంతో బతికినా, ధనికుడిగా భోగాలు అనుభవించినా, దరిద్రంతో బాధలు పడినా ఎలా బతికినా ఒక నాటికి మనిషి మరణించక తప్పదు ఇది సృష్టి ధర్మం! 

కాసేపటికి విరిగిపోయే పాలల్లో పాడవ్వని నైయ్యి ని దాచాడు భగవంతుడు.

కర్మతో కర్మ భూమి’లో జన్మించిన ప్రాణంలో శాశ్వతమైన ఆత్మ ఉంది! 

ఈ ఆత్మ సాక్షాత్కారం కోసం చేసే సాధన పేరు అంతర్యాగం. ఎంత సంపాదించినా అది కుటుంబం కోసం, దాచిన ధనం దొరలు పాలు లేదా దొంగల పాలు! *దోచుకోలేనిది విద్య అయితే శాశ్వతమైన సంపద ఆధ్యాత్మిక సంపద.. అది ఎన్ని జన్మలు అయినా నీవెంట వస్తుంది.

నిత్య కర్మలు ఆచరిస్తూ మీ బాధ్యతలు కర్తవ్యం నిర్వహిస్తూ ధర్మ బద్దమైన జీవితం గడుపుతూ దైవ స్మరణ విడువ కుండా సాధన మార్గంలో సాగిపోవాలి..

ఏ ఉపాసనా చేయకున్నా  నీ రోజు పూర్తి అవుతుంది. ఉపాసన చేస్తూ ఉంటే నీ రోజు సారవంతంగా పూర్తి అవుతుంది. 

నీ కుటుంబ కోసం నువ్వు పాటు పడక తప్పదు!  అదేదో పరమాత్మను  స్మరిస్తూ చేస్తే నువ్వు చేసేది ఉపాసన అవుతుంది, మరింత ఫలితాన్ని ఇస్తుంది.

ఇద్దరు వ్యక్తులు రోజు కూలి పనులకు వెళ్తున్నారు రోజు కూలి తెస్తే కానీ వారి ఇల్లు గడవని పరిస్థితి.. అయితే ఒక అతను ‘నేను కూలి చేస్తే కానీ నా ఇల్లు గడవటం లేదు ఇందులో దేవుడు చేసింది ఏముంది? నా కష్టం నాకు తప్పడం లేదు కదా!’ అని దేవున్ని తలవను కూడా తలవడు. 

ఇంకో వ్యక్తి ‘దేవుని దయ ఉండబట్టే ఈ పని అయినా దొరికి  నాకుటుంబాన్ని పోషించుకోగలుగు తున్నాను ఆ దేవుడికి నేను కృతజ్ఞతతో ఉండాలి, నేను ఎలాగో రోజంతా కష్టపడి పని చేయక తప్పదు ఆ సమయంలో నేను నా సమయాన్ని సద్వినియోగం చేసుకోవాలి’ అని నిద్ర లేచిన దగ్గర నుండి పరమాత్మ స్మరణ చేస్తూ కష్టం చేసుకునే వాడు.. పొద్దు పోయి సరికి అతనికి రావాల్సిన కూలి డబ్బుతో పాటు కొన్ని వేల సార్లు నామ జపం చేసిన పుణ్యం కూడా అతని ఖాతాలో పడేది.. ఆ నామ స్మరణ వల్ల అతనిలో ఆత్మ వివేకం కలిగింది, ఉన్నతంగా ఆలోచించడం ప్రశాంతంగా ఉండటం ధ్యానం చేయడం అలవాటు అయ్యింది. 

ఇంకో వ్యక్తి ఆ చాకిరి తలుచుకుటూ ‘గాడిద చాకిరీ’ అని ఎప్పుడూ గాడిదను తలుచుకుంటూ కుటుంబంలోని వారిని తిడుతూ పని చేయించిన యజమానిని తిట్టుకుంటూ రోజు ముగిసి పోయేది. 

చివరికి ఇద్దరి జీవితం ముగిశాక దైవభక్తి గల వ్యక్తి తను సంపాదించిన దైవ స్మరణ అనే నిధితో ధనికుడి అయిన ఆసామి  ఇంట్లో పుట్టాడు.. ఎప్పుడూ తిట్టుకుంటూ ఒకరిని దూషిస్తూ ఆ పాపం అకౌంట్ లో వేసుకున్న వ్యక్తి గాడిదగా చాకలి వాళ్ళ ఇంట్లో గాడిదకు పుట్టాడు. ఇప్పుడు గాడిద చాకిరి తప్పదు.

చేసే పని ఎలాగో తప్పదు అదేదో ఎవరినీ దూషించ కుండా దైవ స్మరణతో చేస్తే స్వామి కార్యం, స్వకార్యం రెండూ దక్కుతుంది.. ఉండే బాధలు పనులు ఎప్పుడూ ఉంటుంది అది తప్పదు. ఎంత నెత్తిన పెట్టుకొని చూసినా ఒక వయసుకి ఎవరి దారి వాళ్ళు చూసుకోకుండా ఉండరు. 

ఎంత అందంగా అలంకరించిన దేహానికి అయినా వృద్ధాప్యం రాక తప్పదు. 

సంపాదన  పిల్లలు పంచుకుంటారు కానీ అనారోగ్యాన్ని ఎవ్వరూ తీసుకునే వీలు ఉండదు, అది అనుభవించాల్సిందే! అందుకే మీకంటూ మిగిలే సంపద మీవెంట వచ్చే శాశ్వతమైన సంపద ఆధ్యాత్మిక సంపద మటుకే! ఇది మరువకండి. ఈ మార్గం విడువకండి. 

జీవితం అనే పాలలో, భక్తి అనే పెరుగుని బాధ్యత అనే కవ్వంతో చిలికి కష్టం అనే వేడి పైన కాచి నెయ్యి అనే ఆత్మ సాక్షాత్కారమే మనసుతో చేసే అంతరంగ సాధన… మనసు లగ్నం చేసి చేసే ఉపాసన.

సర్వేజనా సుఖినో భవంతు శుభమస్తు

1. వివాహ పొంతనలు , శుభ ముహూర్తాలు,జ్యోతిషం , న్యూమరాలజీ(పిల్లల పేర్లు, పెద్దల పేరులో మార్పులు, బిసినెస్ నేమ్స్), సైంటిఫిక్ వాస్తు,ప్రాణిక్ హీలింగ్, జాతక సంబంధ పరిష్కారాలకు(వివాహం, ఉద్యోగం, విదేశీ యానం,గృహం, సంబంధ భా౦దవ్యాలు,శత్రునాశనం,కోర్ట్ కేసు లు ,ఆర్దికలావాదేవీలు,etc), పూజలు,హోమాలు,వివాహ౦,దేవాలయ ప్రతిష్ట, గృహ ప్రవేశ౦ శాంతి పూజలు సర్వీసెస్ కొరకు, ఆధ్యాత్మిక వస్తువుల కొరకు సంప్రదించండి.

   జ్యోతిష రత్న, జ్యోతిష రత్నాకర

   HAVANIJAAA
   (M.A (Astro), M.A.(Telugu) , M.A.(English), M.A( Sanskrit), MSW, LLB)
   శ్రీ విధాత పీఠం
   Ph. no: 9542665536

2. #sreevidhathapeetam #astroremedies #Astrology #muhurtham #vastu #vastutips #numerology